ХҮҮХДҮҮДТЭЙГЭЭ ХАМТ ХИЙЖ БОЛОХ ШИНЭ ЖИЛИЙН ЧИМЭГЛЭЛҮҮД

Шинэ жил гэдэг хүүхэд бүрийн хамгийн дуртай баяр байдаг. Тиймээс тэдэндээ сайхан дурсамж үлдээхийн тулд өөрийн гараар чимэглэл хийгээрэй.

30 минутын дотор хийж болох санаануудыг хүргэж байна. Өөрт болон хүүхэддээ таалагдсан тоглоомыг сонгоод хамтдаа хийгээрэй.

Бөмбөлөг

Өнгө өнгийн бөмбөлөг ашиглан хийнэ. Танд 25 ширхэг өөр өөр өнгийн бөмбөлөг болон төмөр өлгүүр хэрэгтэй. Өлгүүрээ ороосон хэсгээр нь салгаж, дугуй хэлбэртэй болгох бөгөөд өнгө өнгөөр эллжлэн хэлхэнэ. Зааврыг зурган дээрээс харна уу

Ширээний бүтээлэг

Гэр бүлийн гишүүн бүр өөрийн дуртай цасан ширхэгээ хийгээд хооронд нь холбож ийм гоё ширээний бүтээлэг хийж болох юм шүү.

Олон өнгийн малгай

Энэхүү бяцхан малгайн тоглоомыг гацууртаа өлгөж, ханаа чимэглэж, утасны зүүлт ч болгож болох юм шүү. Хийхэд тун хялбархан. Танд олон өнгийн нэхмэл утас, 00 цаасны гол /өөр адил төстэй зүйл байж болно/, хайч хэрэгтэй. 00 цаасаа тохирох хэмжээгээр хайчлаад хүссэн өнгийн утсаар битүү уях бөгөөд сагсгар хэсгийг нь уяад, цацаг хийх хэмжээгээ аваад хайчилна. Ингээд бэлэн боллоо.

Гэрэлт хот

Гэрэл гэдэг сайхан орчныг бүрдүүлэх хамгийн чухал зүйлийн нэг. Танд шил, наалт /хуулга/ , лаа, бага зэрэг нунтаг саа хэрэгтэй. Ямар ч өнгийн хуулга байж болно. Өөрийн дуртай дүрсээ зурж , хайлчилна. Ой мод, амьтан, өвлийн гэх мэт. Энэхүү зураг дээр хот, байшин дүрсэлсэн байна. Шилэн дээрээ тойруулан наана. Хүсвэл багахан сааг цасан ширхгэ мэт шилний амсар хэсгээр чимж болно. Одоо лаагаа дотор нь хийгээд шинэ жилийн гоёмсог лаа бэлэн боллоо.

Фото зурагтай бөмбөлөг

Дурсамж болон үлдэж буй хамгийн сайхан агшинаа шилэн бөмбөлөгт хийн гацуур модоо чимж болох юм шүү. Танд шилэн бөмбөлөг , чимэглэх өнгийн цаас, давс, гэрэл зураг хэрэгтэй.

Гэрлэн чимэглэл

Хамгийн энгийн хийгээд гоёмсог гоёл юм. Шилэн саван дотор боргоцой, гацуур, бөмбөлөг хийгээд гэрлээр чимээд бэлэн боллоо.

Баярын лаа

Лааны гэрэл сайхан орчин бүрдүүлэхэд хамгийн хэрэгтэй зүйл. Баярын ширээгээ болон найз нөхөдөө ирэх үед гэрээ ингэж чимж болно. Шилэн саван дотор ус хийгээд боргоцой, мод, гацуур, улбар шар өнгийн зүсмэлүүд, жимс, навч зэргийг ашиглан хийнэ. Лаагаа дээр нь хөвүүлнэ.

Цасан өвгөн

Энэ чимэглэл олон хүүхдэд таалагдана гэж бодож байна. Хаалга болон хөргөгчөө ингэж чимж болох бөгөөд хуулга /наалддаг цаас/ ашиглан хамар, нүд, ороолт хайчлан наагаарай. 

Цонхон дээрх цасан ширхэг

Цонхоо цасан ширхэгээр чимэглэхийг хүсвэл энэ аргыг хэрэглээрэй. Эхлээд өөрийн дуртай цасан ширхэгийн зургыг хэвлэн гаргана. Дээр нь хорны цаас тавиад цавууны буугаар дүрсний дагуу зурна. Хатсаны дараа хуулан аваад цонхон дээрээ наагаарай. 

Чихэрнээс ургасан гацуур

Кардон, наалт, өнгийн цаас ашиглан эдгээр гацуурыг хийгээд чихрэнд хатгаж тавиарай. Хүүхдүүдийн баярын ширээг засахдаа ашиглавал сонирхолтой байх болно.

Орогами од

Өнгө өнгийн гоёмсог цаас ашиглан од хийж гацуур болон гэрээ чимж болох юм. Хүүхдүүд ч цаас нугалахдаа дуртай байна гэж бодож байна. Хэрхэн нугалыг зургаас хараарай. Халбага

Халбага болон модон халбага дээр зураг зураад гацуур болон гэрээ чимж болох юм.

Оймсон хүн

Хэрэггүй болсон цагаан оймсоо ашиглан энэхүү хөөрхөн өвгөнг хийж болно. Оймсо хайчилна. Дотор талаас нь уяад цагаан будаа хийгээд гэдэс хэсгийг нь хийнэ. Гэдсийг нь цүдийлгэн амсарыг нь уях бөгөөд дахин цагаан будаа хийж толгой нь бэлэн болно. Орой хэсгийг мөн уяна. Одоо энгэрт нь товч хадаж, нүд хамрыг нь жижиг шүрээр хийгээрэй. Даавууны өөдөс ашиглан ороолт малгайны чимэглэл хийж болно.

Шатсан муу гэрлийн чийдэнгээ хаях хэрэггүй. Будаж тоглоом хийх нь хүүхдүүдэд таалагдах болно. Мөн гар хийцийн өвгөн, буга, цасан өвгөн, оцон шувуугаар гацуураа чимнэ. Мөн зүүн дээд талын зураг шиг ноосон эдлэлээр чимж болох юм шүү. Танд чийдэн, будаг, /хумсны будаг мөн ашиглаж болно./ цавуу, нунтаг гял цял саа, товч, тууз, гогцоо, саа хэрэгтэй. 

Дурсамж, хүсэл мөрөөдлөөр дүүрэн бөмбөлөг

Шилэн бөмбөлөг ашиглан энэ жилийн хамгийн сайхан зүйлээ санагдуулам зүйлийг хийж болно. Жишээ нь та хүүхэдтэй болсон бол түүнтэй холбоотой зүйлийг хийж өлгөнө. Жил бүр таныг сайхан дурсамжийг санагдуулах болно шүү дээ. Хүссэн орноороо аяласан бол дурсгалын зүйлээ хийж болно. Мөн хийхийг хүсэж байгаа зүйлээ хийгээд ирэх жилд биелээсэй хэмээн шивнээрэй.

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.





Сэтгэгдэл (0)